పనుల్లో జాప్యం చేస్తే క్రిమినల్ కేసులు: మంత్రి నిమ్మల రామానాయుడు హెచ్చరిక

ఆంధ్రప్రదేశ్‌లో 'పుష్కర ఎత్తిపోతల' పథకం పనుల పురోగతిపై నీటిపారుదల శాఖ మంత్రి నిమ్మల రామానాయుడు అధికారులతో వర్చువల్ సమీక్షా సమావేశం నిర్వహించారు.

నిర్దేశిత షెడ్యూల్ ప్రకారం పనులు పూర్తి చేయడంలో జాప్యం జరుగుతుండటంపై కాంట్రాక్టర్లపై ఆయన తీవ్ర ఆగ్రహం వ్యక్తం చేశారు.విధుల పట్ల నిర్లక్ష్యం వహించే కాంట్రాక్టర్లపై కఠిన చర్యలు తీసుకోవాలని అధికారులను ఆదేశించారు.

అవసరమైతే అలాంటి వారిపై క్రిమినల్ కేసులు నమోదు చేసి, జైలుకు పంపేందుకు కూడా వెనుకాడబోమని స్పష్టం చేశారు.

ఈ నెల చివరినాటికి ముఖ్యమంత్రి చేతుల మీదుగా పోలవరం నీటిని విడుదల చేయాల్సి ఉన్నందున, మిగిలిన పనులన్నింటినీ యుద్ధప్రాతిపదికన పూర్తి చేయాలని నిమ్మల రామానాయుడు ఆదేశించారు.