లెస్బియన్ జంటకు రక్షణ కల్పించండి: యూపీ పోలీసులకు హైకోర్టు ఆదేశం

సహజీవనం చేస్తున్న ఒక హిందూ-ముస్లిం లెస్బియన్ జంటకు రక్షణ కల్పించవలసిందిగా అలహాబాద్ హైకోర్టు ఉత్తరప్రదేశ్ పోలీసులను ఆదేశించింది. ఆ మహిళలు ఇద్దరూ కలిసి జీవించే స్వేచ్ఛను కలిగి ఉన్నారని, వారి జీవితాన్ని అర్థం చేసుకునే పూర్తి సామర్థ్యం వారికి ఉందని కోర్టు స్పష్టం చేసింది.

కుటుంబ సభ్యులు లేదా ఇతర వ్యక్తులు వారి జీవితంలో జోక్యం చేసుకోకూడదని, వారి నిర్ణయాన్ని గౌరవించాలని హైకోర్టు సూచించింది. ఏ ఇబ్బంది లేకుండా ప్రశాంతంగా జీవించే హక్కు వారికి ఉందని కోర్టు ఈ సందర్భంగా పేర్కొంది.