ఆంధ్రప్రదేశ్ రాజకీయంలో బిగ్ ట్విస్ట్: కొత్త పార్టీ ప్రకటన చేసిన మాజీ ఎంపీ విజయసాయిరెడ్డి

ఆంధ్రప్రదేశ్ రాజకీయంలో మాజీ ఎంపీ విజయసాయిరెడ్డి సంచలన నిర్ణయం తీసుకున్నారు.

రాష్ట్రంలో సరికొత్త రాజకీయాలకు శ్రీకారం చుడుతూ ఒక కొత్త రాజకీయ పార్టీని స్థాపించబోతున్నట్లు ఆయన ప్రకటించారు.

తిరుమల శ్రీవారిని దర్శించుకున్న అనంతరం మీడియాతో మాట్లాడుతూ ఈ కీలక వివరాలను వెల్లడించారు.సమాజంలో ప్రజల సమస్యల పరిష్కారమే ధ్యేయంగా, వారి కోసం నిరంతరం శ్రమించేలా తమ కొత్త పార్టీ నడుస్తుందని ఆయన స్పష్టం చేశారు.

భవిష్యత్తులో శాసనసభ మరియు పార్లమెంట్ సభలలో ప్రజల గొంతుకగా నిలిచి, వారి తరఫున బలంగా గళమెత్తుతామని చెప్పారు.

త్వరలోనే, అంటే ఈ నెలలోనే విజయవాడలో ప్రత్యేక ప్రెస్ మీట్ నిర్వహించి, తమ పార్టీ సిద్ధాంతాలు మరియు భవిష్యత్ రాజకీయ ప్రణాళికను వివరంగా వెల్లడిస్తానని తెలిపారు.