కార్యకర్తల ఆవేదన.. కంటతడి పెట్టిన మాజీ మంత్రి బొత్స

ఆంధ్రప్రదేశ్, విజయనగరం జిల్లా గరివిడిలోని వైఎస్సార్‌సీపీ కార్యాలయంలో నిర్వహించిన సమావేశంలో మాజీ మంత్రి బొత్స సత్యనారాయణ తీవ్ర భావోద్వేగానికి లోనయ్యారు.

బొత్స మేనల్లుడు, జడ్పీ ఛైర్మన్ మజ్జి శ్రీనివాసరావు పార్టీ మార్పుపై నాయకులు, కార్యకర్తలు తీవ్ర ఆవేదన వ్యక్తం చేశారు.

ఆయనతో తమకున్న అనుబంధాన్ని గుర్తుచేసుకుంటూ ఆందోళన చెందారు.

కార్యకర్తల మనోవేదనను చూసి చలించిపోయిన బొత్స సత్యనారాయణ వేదికపైనే కంటతడి పెట్టారు.

ఈ సందర్భంగా స్థానిక నాయకులు ఆయనను ఓదార్చారు.

రాజకీయంలో ఎలాంటి పరిణామాలు ఎదురైనా, తామంతా బొత్స నాయకత్వంలోనే కొనసాగుతామని, ఆయనకు ఎల్లప్పుడూ అండగా ఉంటామని స్పష్టం చేశారు.