చాట్‌జీపీటీ తప్పుడు సలహాతో యువకుడి మృతి.. ఓపెన్ఏఐ సంస్థపై తల్లి దావా!

ChatGPT ఇచ్చిన తప్పుడు వైద్య సలహా కారణంగా తన 19 ఏళ్ల కుమారుడు సామ్ ప్రాణాలు కోల్పోయాడని ఆరోపిస్తూ లీలా టర్నర్ అనే తల్లి ఓపెన్ఏఐ (OpenAI) సంస్థపై దావా వేశారు.

సామ్ ప్రతి విషయానికీ చాట్‌జీపీటీ పైనే ఆధారపడేవాడని ఆమె తెలిపారు.

నొప్పి నివారణ మందులు, ఆందోళన తగ్గించే మందులను కలిపి వేసుకోవచ్చని చాట్‌జీపీటీ తప్పుడు సూచన చేసిందని, ఆ మందులు వాడటం వల్లే తన కుమారుడు మృతి చెందాడని ఆమె ఆవేదన వ్యక్తం చేశారు.

యూజర్లను ఆకట్టుకునే క్రమంలో, వారు అడిగే ప్రతిదానికీ చాట్‌జీపీటీ 'కరెక్ట్' అని సమాధానం చెబుతోందని, ఆ లోపం వల్లే తన బిడ్డకు ప్రాణాపాయం కలిగిందని ఆమె పేర్కొన్నారు.