ఏపీలో డిగ్రీ ప్రవేశాలకు నోటిఫికేషన్ విడుదల!

ఆంధ్రప్రదేశ్ రాష్ట్రంలోని డిగ్రీ కళాశాలల్లో ప్రవేశాల కోసం ఉన్నత విద్యాశాఖ ఆన్‌లైన్ కౌన్సెలింగ్ షెడ్యూల్‌ను విడుదల చేసింది.

విద్యార్థులు రేపటి నుంచి ఈ నెల 11వ తేదీ వరకు రిజిస్ట్రేషన్ చేసుకోవాల్సి ఉంటుంది.

దరఖాస్తు చేసుకున్న విద్యార్థుల సర్టిఫికెట్ల పరిశీలన ఈ నెల 20 వరకు కొనసాగుతుంది.అలాగే, స్పెషల్ కేటగిరీ కింద దరఖాస్తు చేసుకున్న విద్యార్థుల ధ్రువపత్రాల పరిశీలనను ఈ నెల 12, 13 తేదీల్లో ప్రత్యేకంగా నిర్వహిస్తారు.

ఆగస్టు 15 నుంచి 19వ తేదీ వరకు విద్యార్థులు వెబ్ ఆప్షన్లు నమోదు చేసుకోవాలి.

ఆప్షన్ల ఆధారంగా ఆగస్టు 26న విద్యార్థులకు సీట్లను కేటాయిస్తారు.

ఆగస్టు 27 నుంచి డిగ్రీ తరగతులు లాంఛనంగా ప్రారంభమవుతాయని అధికారులు ఒక ప్రకటనలో స్పష్టం చేశారు.