ఎల్నినో సాకుతో ధరలు పెంపు.. ఆగ్రహం వ్యక్తం చేస్తున్న ప్రజలు

గతేడాది వర్షాలు బాగా పడి ధాన్యం దిగుబడి బాగానే ఉన్నా, ఈ ఏడాది ఎల్నినో ముప్పును సాకుగా చూపి వ్యాపారులు బియ్యం ధరలను అమాంతం పెంచేస్తున్నారు.

మార్కెట్లో కృత్రిమ కొరత సృష్టిస్తూ ప్రజల జేబులకు చిల్లులు పెడుతున్నారు.

ఉదాహరణకు, జూలైలో ₹1,250 నుండి ₹1,500 వరకు పలికిన 25 కిలోల సోనా మసూరి, బీపీటీ రకాల బియ్యం ధర ఇప్పుడు ఏకంగా ₹2000 (కిలో ₹80) కు చేరుకుంది.ఆంధ్రప్రదేశ్ లో ప్రభుత్వ సబ్సిడీ బియ్యం కేవలం పట్టణాల్లోని రైతు బజార్లకే పరిమితం కావడంతో, గ్రామీణ ప్రాంతాల్లోని పేదలకు ఈ తక్కువ ధర బియ్యం అందడం లేదు.

దీంతో వారు కూడా పెరిగిన ధరల భారంతో ఇబ్బందులు పడుతున్నారు.