మక్కా మసీదు లక్ష్యంగా హూతీల డ్రోన్ దాడి.. అప్రమత్తమై కూల్చేసిన సౌదీ ఎయిర్ డిఫెన్స్ ఫోర్స్

సౌదీ అరేబియాలోని ముస్లింల అత్యంత పవిత్ర స్థలమైన మక్కా మసీదును టార్గెట్ చేస్తూ హూతీ రెబెల్స్ డ్రోన్ దాడికి యత్నించారు.

అయితే, నిషేధిత ఎయిర్‌స్పేస్‌లోకి ప్రవేశించకముందే ఆ డ్రోన్‌ను రాయల్ సౌదీ ఎయిర్ డిఫెన్స్ ఫోర్స్ విజయవంతంగా కూల్చివేసింది.

ఈ విషయాన్ని సౌదీ అధికార ప్రతినిధి తుర్కి అల్-మలికి ధృవీకరించారు.

ప్రార్థనా స్థలాలు మరియు పౌరులపై దాడులు జరపడాన్ని తీవ్రంగా ఖండిస్తున్నట్లు ఆయన పేర్కొన్నారు.

కాగా, ఈ ఘటనకు సంబంధించి నిన్న మక్కా వద్ద ఎమర్జెన్సీ అలర్ట్ జారీ చేస్తూ సైరన్లు మోగినట్లు సమాచారం వెలువడింది.

దేశ భద్రతను కాపాడేందుకు రక్షణ శాఖ అన్ని చర్యలు తీసుకుంటోంది.