గల్ఫ్ ఉద్రిక్తతలు: కుప్పకూలిన స్టాక్ మార్కెట్లు..!

ఇరాన్ మరియు అమెరికా దేశాల మధ్య నెలకొన్న దాడులు, ఉద్రిక్తతల ప్రభావం ప్రపంచ ఆర్థిక వ్యవస్థపై తీవ్రంగా పడింది.

ఈ ప్రతికూల పరిణామాల నేపథ్యంలో దేశీయ స్టాక్ మార్కెట్లు భారీ నష్టాల దిశగా పయనిస్తున్నాయి.

తాజా ట్రేడింగ్ వివరాల ప్రకారం, సెన్సెక్స్ ఏకంగా 600 పాయింట్లకు పైగా, నిఫ్టీ 200 పాయింట్లకు పైగా భారీ నష్టాల్లో ట్రేడవుతున్నాయి.మరోవైపు, ఈ యుద్ధ వాతావరణం కారణంగా అంతర్జాతీయ మార్కెట్‌లో ముడి చమురు ధరలకు రెక్కలొచ్చాయి.

బ్రెంట్ క్రూడ్ ఆయిల్ బ్యారెల్ ధర సుమారు 5 శాతం మేర పెరిగి $96.6 కు చేరుకుంది.

అలాగే, గత నెల రోజుల్లోనే తొలిసారిగా డబ్ల్యూటీఐ (WTI) క్రూడ్ ధర కూడా $90 మార్కును దాటడం గమనార్హం.

మార్కెట్లలో నెలకొన్న ఈ అనిశ్చితి మదుపర్లలో ఆందోళనను రేకెత్తిస్తోంది.