పైరసీ కేసు: ఐబొమ్మ రవికి నాంపల్లి కోర్టులో తాత్కాలిక ఊరట.. కానీ రూ.3 కోట్లపై ఆంక్షలు!

సినిమా పైరసీ కేసులో ప్రధాన ఆరోపణలు ఎదుర్కొంటున్న ఐబొమ్మ రవికి నాంపల్లి కోర్టులో స్వల్ప ఊరట లభించింది.

కేసు దర్యాప్తులో భాగంగా పోలీసులు గతంలో సీజ్ చేసిన అతడి బ్యాంక్ ఖాతాలను రోజువారీ సాధారణ లావాదేవీల కోసం తిరిగి ఉపయోగించుకునేందుకు న్యాయస్థానం అనుమతినిచ్చింది.అయితే, సదరు ఖాతాల్లో ఫ్రీజ్ అయి ఉన్న సుమారు రూ.

3 కోట్ల నగదును అన్‌ఫ్రీజ్ చేసేందుకు కోర్టు ఖరాకండిగా నిరాకరించింది.

సినిమాలు అక్రమంగా పైరసీ చేస్తూ అతడు ఈ భారీ మొత్తాన్ని సంపాదించినట్లు తీవ్ర ఆరోపణలు ఉన్న విషయం తెలిసిందే.

ఖాతాల వినియోగానికి గ్రీన్ సిగ్నల్ ఇచ్చినప్పటికీ, వివాదాస్పద సొమ్ముపై మాత్రం సీజ్ ఆంక్షలు యథాతథంగా కొనసాగుతాయని కోర్టు స్పష్టం చేసింది.