బ్యాంక్ సమ్మె ఎఫెక్ట్: కేంద్ర ప్రభుత్వ ఉద్యోగులకు నేడే ముందస్తు జీతాలు!

ఈ నెలాఖరులో జరగనున్న బ్యాంకుల సమ్మెను దృష్టిలో ఉంచుకుని కేంద్ర ప్రభుత్వం ఒక కీలక నిర్ణయం తీసుకుంది.

సెప్టెంబర్ 28 నుంచి 30వ తేదీ వరకు వరుసగా బ్యాంకులు పనిచేయని కారణంగా, కేంద్ర ప్రభుత్వ ఉద్యోగులతో పాటు పెన్షనర్లకు కూడా సెప్టెంబర్ నెల జీతాలు మరియు పెన్షన్ నగదును నేడే (సెప్టెంబర్ 25వ తేదీనే) వారి ఖాతాల్లో జమ చేసేందుకు అనుమతించింది.

ఈ ముందస్తు చెల్లింపుల నిర్ణయం రక్షణ, పోస్టల్, అలాగే టెలికమ్యూనికేషన్స్ వంటి కీలక విభాగాల్లో పనిచేసే వారికి కూడా వర్తిస్తుందని ప్రభుత్వం స్పష్టం చేసింది.

అయితే, ప్రస్తుతం జమ చేసే ఈ మొత్తాన్ని 'అడ్వాన్స్ పేమెంట్' గా మాత్రమే పరిగణిస్తారు.

పూర్తి లెక్కలు ఖరారైన అనంతరం, మిగిలిన మొత్తాన్ని అక్టోబర్ నెలలో జరిగే చెల్లింపుల సమయంలో సర్దుబాటు చేయనున్నారు.