ఆకాశాన్ని అంటుతున్న ఉల్లి ధరలు.. సెంచరీ దాటిన రేట్లు!

ఉల్లిపాయ ధరలు సామాన్యులను బెంబేలెత్తిస్తున్నాయి.

నెల రోజుల క్రితం కిలో ₹30 నుంచి ₹50 పలికిన ఉల్లి, ఇప్పుడు ఏకంగా ₹70-₹80కి చేరుకుంది.

ముఖ్యంగా తెల్ల ఉల్లి ధర కిలో ₹100 దాటేసింది.

హైదరాబాద్‌ మలక్‌పేట హోల్‌సేల్ మార్కెట్‌లో క్వింటా ఉల్లి ₹4,500 నుంచి ₹5,200 వరకు పలుకుతోంది.

ఎల్‌నినో ప్రభావం వల్ల మహారాష్ట్ర, కర్ణాటక రాష్ట్రాల్లో పంట దిగుబడి భారీగా తగ్గడమే ఈ ధరల పెరుగుదలకు ప్రధాన కారణమని వ్యాపారులు చెబుతున్నారు.

మార్కెట్‌లో డిమాండ్‌కు తగ్గ సరఫరా లేకపోవడంతో రేట్లు మండిపోతున్నాయని, స్థానికంగా సాగు చేసిన పంట చేతికి వచ్చే వరకు ఈ ధరల మంట ఇలాగే కొనసాగుతుందని వారు స్పష్టం చేస్తున్నారు.