ఏజెంట్లకు షాక్.. లైఫ్ ఇన్సూరెన్స్ కమిషన్ల కోతకు ఐఆర్‌డీఏఐ ప్రతిపాదన!

బీమా రంగంలో పెరుగుతున్న డిస్ట్రిబ్యూషన్ ఖర్చులు, మిస్ సెల్లింగ్‌కు చెక్ పెట్టే ఉద్దేశ్యంతో ఏజెంట్ల కమిషన్లను తగ్గించాలని ఐఆర్‌డీఏఐ (IRDAI) ప్రతిపాదించింది.

పాలసీదారులు ప్రీమియం చెల్లించే వ్యవధి ఆధారంగా ఈ కమీషన్లలో కోత ఉంటుంది.

ఉదాహరణకు 10 ఏళ్లు పైబడిన లైఫ్ ఇన్సూరెన్స్ పాలసీలకు తొలి ఏడాది ఇచ్చే 30% పైబడిన కమిషన్‌ను 20-25 శాతానికి తగ్గించింది.ఐఆర్‌డీఏఐ తీసుకున్న ఈ తాజా నిర్ణయంతో కస్టమర్లపై ఆర్థిక భారం తగ్గే అవకాశం ఉంది.

అయితే, ఏజెంట్ల కమీషన్లకు ఇలా కోత విధించడం వల్ల భవిష్యత్తులో గ్రామీణ ప్రాంతాల్లో ఇన్సూరెన్స్ నెట్‌వర్క్ విస్తరణ కష్టతరంగా మారుతుందని పలువురు అభిప్రాయం వ్యక్తం చేస్తున్నారు.