ఎన్నికల సంఘం తీరుపై రాహుల్ గాంధీ తీవ్ర ఆగ్రహం: 'మాకూ టైమ్ వస్తుంది!'

SIR వివాదంపై ఎన్నికల సంఘం (EC) తీసుకుంటున్న ఏకపక్ష నిర్ణయాలపై కాంగ్రెస్ అగ్రనేత రాహుల్ గాంధీ తీవ్రంగా విరుచుకుపడ్డారు.

ఎన్నికల సంఘం వ్యవహరిస్తున్న తీరు ఏకంగా దేశద్రోహంతో సమానమని ఆయన తీవ్ర విమర్శలు చేశారు.ఈ అంశంపై విడుదల చేసిన ఒక ప్రత్యేక వీడియోలో రాహుల్ గాంధీ హెచ్చరిస్తూ..

"మాకు కూడా ఒక సమయం వస్తుంది.

అప్పుడు మిమ్మల్ని ఎవరూ కాపాడలేరు, ఈ విషయాన్ని అస్సలు మర్చిపోకండి" అని స్పష్టం చేశారు.

మరోవైపు రాహుల్ గాంధీ చేసిన ఆరోపణలను ఎన్నికల సంఘం వర్గాలు ఖండించాయి.

తాము తీసుకునే ప్రతి నిర్ణయం పూర్తి ఏకగ్రీవంగా, రాజ్యాంగ నిబంధనలకు అనుగుణంగానే జరుగుతుందని ఈసీ వర్గాలు తెలిపాయి.