స్పామ్ కాల్స్‌పై 'ట్రాయ్' కొరడా.. నిబంధనలు అతిక్రమిస్తే కనెక్షన్ కట్!

స్పామ్ కాల్స్, మెసేజ్‌ల బెడదను అరికట్టేందుకు ట్రాయ్ (TRAI) నిబంధనలను కఠినతరం చేసింది.

ఇందులో భాగంగా ఇకపై స్పామ్ నంబర్లను టెలికం సర్వీస్ ప్రొవైడర్లే గుర్తిస్తారు.

ఒక వ్యక్తి లేదా సంస్థకు చెందిన ఐదు అంతకన్నా ఎక్కువ నంబర్లు 10 రోజుల వ్యవధిలో స్పామ్‌గా తేలితే వెంటనే విచారణ చేపడతారు.

నిబంధనలు ఉల్లంఘించినట్లు తేలితే కేవైసీ (KYC) రీవెరిఫికేషన్ చేయడంతో పాటు కనెక్షన్లు కట్ చేస్తారు.

అలాగే, 140, 1600, 1601 సిరీస్‌లతో వచ్చే కాల్స్‌ను ట్రూకాలర్ లాంటి కాలింగ్ యాప్స్ బ్లాక్ చేయడం కానీ, స్పామ్‌గా ట్యాగ్ చేయడం కానీ చేయకూడదని ట్రాయ్ స్పష్టం చేసింది.