TET లేకపోతే నో ఉద్యోగం: టీచర్ల నియామకాలపై సుప్రీంకోర్టు సంచలన తీర్పు!

నిర్దేశిత విద్యాఅర్హతలు, TET (టీచర్ ఎలిజిబిలిటీ టెస్ట్) వంటి తప్పనిసరి అర్హతలు లేని వారిని ఉపాధ్యాయులుగా నియమించవద్దని సుప్రీంకోర్టు స్పష్టం చేసింది.

అర్హత లేని వారి నియామకం వల్ల విద్యార్థుల విద్యాభవిష్యత్తుపై తీవ్ర ప్రతికూల ప్రభావం పడుతుందని అత్యున్నత న్యాయస్థానం ఆందోళన వ్యక్తం చేసింది.అస్సాంలో ఉపాధ్యాయుల నియామక ప్రక్రియపై దాఖలైన పిల్ (PIL) విచారణ సందర్భంగా ధర్మాసనం ఈ కీలక వ్యాఖ్యలు చేసింది.

ప్రావిన్షియలైజేషన్ విధానం కింద అస్సాం ప్రభుత్వం ప్రైవేట్ ఉపాధ్యాయులను నేరుగా ప్రభుత్వ సర్వీసుల్లోకి తీసుకోవడంపై విమర్శలు వచ్చిన నేపథ్యంలో కోర్టు ఈ స్పష్టమైన ఆదేశాలు జారీ చేసింది.