ఆన్‌లైన్ వేధింపుల వలలో చిన్నారులు: UNICEF సంచలన నివేదిక

ప్రపంచవ్యాప్తంగా 21 దేశాల్లో ప్రతి ఐదుగురు చిన్నారుల్లో ఒకరు ఆన్‌లైన్ ద్వారా లైంగిక వేధింపులకు గురవుతున్నట్లు UNICEF అధ్యయనం వెల్లడించింది.

ముఖ్యంగా సోషల్ మీడియా, గేమింగ్ యాప్‌ల ద్వారా ఈ నేరాలు ఎక్కువగా జరుగుతున్నాయని పేర్కొంది.

బాధితుల్లో ఎక్కువమంది తమకు తెలిసిన వారి నుంచే ఈ తరహా వేధింపులను ఎదుర్కొంటుండటం గమనార్హం.

అయితే, సమాజంలో ఉన్న భయాలు, అవగాహనా లోపం వల్ల దీనిపై పోలీసులకు ఫిర్యాదు చేసేవారి సంఖ్య చాలా తక్కువగా ఉందని నివేదిక తెలిపింది.

పాకిస్తాన్, బ్రెజిల్, కొలంబియా వంటి అనేక దేశాల్లో నిర్వహించిన ఈ పరిశోధన ద్వారా ఆన్‌లైన్‌లో పిల్లల భద్రత ఎంత ప్రమాదంలో ఉందో స్పష్టమవుతోంది.

పిల్లల డిజిటల్ భద్రతపై తల్లిదండ్రులు తగిన జాగ్రత్తలు వహించాలని నిపుణులు సూచిస్తున్నారు.