రక్షణ రంగంలోకి మంత్రి పొంగులేటి వారసుడు: స్వదేశీ డ్రోన్ల తయారీకి శ్రీకారం

తెలంగాణ రాష్ట్ర మంత్రి పొంగులేటి శ్రీనివాస రెడ్డి కుమారుడు లిఖిత్ రెడ్డి రక్షణ పరికరాల తయారీ (డిఫెన్స్ ఎక్విప్‌మెంట్ మ్యానుఫ్యాక్చరింగ్) రంగంలోకి అడుగుపెట్టారు.

దీనికోసం ఆయన 'రాఘవ ఏరోస్పేస్ అండ్ డిఫెన్స్ ప్రైవేట్ లిమిటెడ్' పేరుతో నూతన కంపెనీని నెలకొల్పారు.భారత రక్షణ దళాలకు ఉపయోగపడే అత్యాధునిక డ్రోన్లను పూర్తి స్వదేశీ సాంకేతిక పరిజ్ఞానంతో తమ కంపెనీలో తయారు చేయనున్నట్లు మంత్రి పొంగులేటి అధికారికంగా వెల్లడించారు.

ఈ డ్రోన్లు అత్యంత శక్తివంతమైన పనితీరును కనబరుస్తాయని తెలిపారు.

ఇవి ఏకంగా 300 కిలోల పేలోడ్ (బరువు) సామర్థ్యంతో, 30 వేల అడుగుల ఎత్తులో ఏకధాటిగా 30 గంటల పాటు నిరంతరాయంగా సేవలు అందించగలవని ఆయన వివరించారు.

జాతీయ భద్రతకు స్వదేశీ పరిజ్ఞానం తోడవ్వడం విశేషం.