దసరా నాటికి కొత్త పెన్షన్లు: అధికారులకు మంత్రి సీతక్క కీలక ఆదేశాలు

తెలంగాణ రాష్ట్రంలో చేయూత పథకం ద్వారా కొత్త పెన్షన్ల కోసం పెట్టుకున్న దరఖాస్తుల పరిశీలనను వెంటనే వేగవంతం చేయాలని అధికారులకు మంత్రి సీతక్క స్పష్టమైన ఆదేశాలు జారీ చేశారు.

దసరా పండుగ నాటికి అర్హులైన లబ్ధిదారుల ఎంపిక ప్రక్రియను పూర్తి చేయాలని ఆమె నిర్దేశించారు.

ఈ ప్రక్రియను త్వరగా పూర్తి చేయడానికి, అవసరమైతే క్షేత్రస్థాయిలో పరిశీలన కోసం అదనపు సిబ్బందిని నియమించుకోవాలని సూచించారు.దసరా సమయానికి పండుగ కానుకగా కొత్త పెన్షన్లను పంపిణీ చేసేలా అన్ని ఏర్పాట్లు సిద్ధం చేయాలని మంత్రి ఆదేశించారు.

అర్హత ఉన్న ప్రతి ఒక్కరికీ ఎట్టి పరిస్థితుల్లోనూ పెన్షన్ అందేలా చూడాలని, ఏ ఒక్క అర్హుడూ నష్టపోకూడదని ఆమె నొక్కిచెప్పారు.

ఈ ప్రక్రియను పారదర్శకంగా, వేగంగా పూర్తి చేసి లబ్ధిదారులకు ఉపశమనం కలిగించాలన్నారు.