జూరాల ప్రాజెక్ట్ నీటి విడుదల: రైతుల పోరాట స్ఫూర్తిపై కేటీఆర్ హర్షం

జూరాల ప్రాజెక్ట్ నుండి నీటి విడుదలకు సాధించిన రైతుల పోరాటాన్ని బీఆర్ఎస్ నేత కేటీఆర్ ప్రశంసించారు.

పంటలు ఎండిపోతున్న క్లిష్ట సమయంలో రైతులు చేసిన పోరాటం స్ఫూర్తిదాయకమని ఆయన కొనియాడారు.

"నిద్రపోతున్న ఈ కుంభకర్ణ ప్రభుత్వాన్ని మేల్కొలిపి, చర్యలు తీసుకునేలా చేసిన రైతులకు నా ధన్యవాదాలు" అని కేటీఆర్ పేర్కొన్నారు.ఈ ఉద్యమంలో రైతులతో కలిసి నడిచిన బీఆర్ఎస్ నాయకులకు కూడా ఆయన కృతజ్ఞతలు తెలిపారు.

రాబోయే రెండేళ్లపాటు ప్రజల కనీస అవసరాలను తీర్చే విధంగా ప్రభుత్వంతో పోరాడటమే తమ తక్షణ కర్తవ్యమని కేటీఆర్ స్పష్టం చేశారు.

రైతుల ఐక్యతే ఈ విజయానికి కారణమని ఆయన ఉద్ఘాటించారు.