మంత్రి కొండా సురేఖ వ్యవహారంపై త్వరలో కాంగ్రెస్ తుది నిర్ణయం!
తెలంగాణ మంత్రి కొండా సురేఖ వ్యవహారంపై కాంగ్రెస్ పార్టీ అధిష్టానం ఆచితూచి అడుగులు వేస్తోంది.
పార్టీలోని అన్ని వర్గాల నేతలతో విస్తృతంగా చర్చించిన అనంతరమే ఈ విషయంపై తుది నిర్ణయం తీసుకునే అవకాశం ఉన్నట్లు తెలుస్తోంది.
ఇప్పటికే ఈ వివాదంపై తెలంగాణ రాష్ట్ర ముఖ్యమంత్రి రేవంత్ రెడ్డి, ఏఐసీసీ (AICC) ప్రధాన కార్యదర్శి కేసీ వేణుగోపాల్తో చర్చలు జరిపినట్లు సమాచారం.ఈరోజు మీనాక్షీ నటరాజన్, పీసీసీ (PCC) చీఫ్ మహేష్ కుమార్తో కూడా భేటీ కానున్నట్లు తెలుస్తోంది.
ఈ వరుస సమావేశాల్లో సీనియర్ నేతల అభిప్రాయాలను సేకరించడం, తాజా పరిణామాలను నిశితంగా పరిశీలించడం జరుగుతోంది.
వాటన్నింటి ఆధారంగా మంత్రిపై తదుపరి ఎలాంటి చర్యలు చేపట్టాలనే దానిపై పార్టీ పెద్దలు ఒక నిర్ణయానికి రానున్నట్లు స్పష్టమవుతోంది.
అన్ని కోణాలను విశ్లేషించిన తర్వాతే హైకమాండ్ తమ నిర్ణయాన్ని ప్రకటించే అవకాశం ఉంది.
