హైదరాబాద్‌ తుక్కుగూడలో దారుణం: నర్సుపై పాశవిక అత్యాచారం, హత్య

హైదరాబాద్ శివారులోని తుక్కుగూడ ప్రాంతంలో అత్యంత హేయమైన ఘటన చోటుచేసుకుంది.

ఓ ప్రైవేట్ ఆసుపత్రిలో నర్సుగా పనిచేస్తున్న కొత్తగూడెం జిల్లాకు చెందిన యువతిపై బీహార్‌కు చెందిన సైనా ఉల్లాఖాన్ (35) అనే వ్యక్తి అత్యాచారం చేసి, దారుణంగా హత్య చేశాడు.పోలీసుల కథనం ప్రకారం, శుక్రవారం అర్ధరాత్రి బాధితురాలు నిద్రిస్తున్న సమయంలో నిందితుడు గదిలోకి చొరబడి దాడికి పాల్పడ్డాడు.

ఆమె అపస్మారక స్థితిలోకి వెళ్లిన తర్వాత అత్యాచారానికి పాల్పడినట్లు తెలిపారు.

అనంతరం ఆమె చనిపోయిందని నిర్ధారించుకుని అక్కడి నుంచి పరారయ్యాడు.

ఈ దారుణ ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు.

పరారీలో ఉన్న నిందితుడిని పోలీసులు అదుపులోకి తీసుకున్నట్లు తాజా సమాచారం.