కర్నూలు DSC లో అక్రమాలు: మాజీ మంత్రి పేర్ని నాని తీవ్ర ఆరోపణలు

ఆంధ్రప్రదేశ్‌లో నారా లోకేష్ చేపట్టిన 'యువగళం' పాదయాత్రలో పాల్గొన్న వారికే టీచర్ ఉద్యోగాలు కట్టబెట్టారని వైసీపీ నేత, మాజీ మంత్రి పేర్ని నాని ఆరోపించారు.

ముఖ్యంగా కర్నూలు జిల్లా DSC నియామకాల్లో భారీగా అక్రమాలు జరిగాయని ఆయన ఒక ప్రెస్ మీట్‌లో పేర్కొన్నారు.టెట్ (TET) అర్హత సాధించని ప్రభాకర్ అనే వ్యక్తికి ఉద్యోగం ఎలా ఇచ్చారని ఆయన సూటిగా ప్రశ్నించారు.

అలాగే, స్పోర్ట్స్ కోటా పేరుతో ఒక్క వల్లూరు పాఠశాల పరిధిలోనే ఐదుగురిని డిఈవో (DEO) ఆఫీసుకు పిలిచి మరీ ఉద్యోగాలు ఇచ్చారని విమర్శించారు.

ఒక్క కర్నూలు జిల్లాలోనే మొత్తం 24 మంది స్పోర్ట్స్ కోటా కింద ఉద్యోగాలు పొందినట్లు పేర్ని నాని ఆరోపించారు.