సెప్టెంబర్‌లో దంచికొట్టనున్న వర్షాలు: ఏపీలో విస్తారంగా కురిసే అవకాశం

ప్రస్తుత సీజన్‌లో వర్షాలు తగ్గడానికి కేవలం ఎల్‌నినో ప్రభావం మాత్రమే కాదని వాతావరణ శాఖ నిపుణులు స్పష్టం చేస్తున్నారు.

సాధారణంగా పసిఫిక్ మహాసముద్రం మీదుగా రావాల్సిన రుతుపవనాలు ఈసారి చైనా వైపు మళ్లడం వల్లే దేశంలో వర్షాభావ పరిస్థితులు నెలకొన్నాయని వివరించారు.అయితే, బంగాళాఖాతంలో వరుసగా ఏర్పడుతున్న అల్పపీడనాల కారణంగా రాబోయే నెలలో వాతావరణం మారే అవకాశం ఉందని అంచనా వేస్తున్నారు.

దీని ప్రభావంతో ఆంధ్రప్రదేశ్‌తో పాటు పలు రాష్ట్రాల్లో విస్తారంగా వర్షాలు కురిసే అవకాశం ఉందని వాతావరణ శాఖ అధికారులు తెలిపారు.

అయితే, ఖరీఫ్ సీజన్ దాదాపు ముగుస్తున్న తరుణంలో ఇప్పుడు కురిసే వర్షాల వల్ల పెద్దగా ప్రయోజనం ఉండదని రైతులు పెదవి విరుస్తున్నారు.