స్థానిక పోరులో 'తగ్గేదేలే': సీట్ల సర్దుబాటుపై పవన్ కళ్యాణ్ కీలక వ్యాఖ్యలు!

ఆంధ్రప్రదేశ్‌లో రాబోయే స్థానిక సంస్థల ఎన్నికల విషయంలో జనసేన అధినేత పవన్ కళ్యాణ్ స్పష్టమైన వైఖరిని వ్యక్తం చేశారు. సీట్ల కేటాయింపులో ఈసారి ఎలాంటి రాజీ పడేది లేదని, వెనక్కి తగ్గే ప్రసక్తే లేదని స్పష్టం చేశారు.

2024 సార్వత్రిక ఎన్నికల్లో బీజేపీని కూటమిలోకి తెచ్చినందుకు గతంలో జనసేన సీట్లు తగ్గించుకోవాల్సి వచ్చిందని, అయితే ఇప్పుడు స్థానిక ఎన్నికల్లో మళ్లీ సీట్లు తగ్గిస్తామంటే కుదరదని తేల్చిచెప్పారు. అవసరమైతే ఒకే వార్డులో మిత్రపక్షంతో కలసి పోటీ చేయాల్సి వచ్చినా వెనకడుగు వేయవద్దని శ్రేణులకు పిలుపునిచ్చారు. అలాగే వైసిపిపై తనకు వ్యక్తిగత ద్వేషం లేదని, కేవలం వారి పాలనా నిర్ణయాలనే విభేదించానని వివరించారు.