రాయలసీమ వాసులకు బిగ్ వెదర్ అలర్ట్: ఈ జిల్లాల్లో ఉరుములతో కూడిన భారీ వర్షాలు!

రాయలసీమ ప్రాంత ప్రజలకు ఏపీ వెదర్‌మ్యాన్ ఉపశమనం కలిగించే తీపి కబురు అందించారు.

వాతావరణంలో చోటుచేసుకున్న మార్పుల వల్ల ఆ ప్రాంతంలోని పలు జిల్లాల్లో ఇవాళ జోరుగా వర్షాలు కురుస్తాయని వెల్లడించారు.

ముఖ్యంగా నేటి రాత్రి నుండి రేపు తెల్లవారుజాము సమయంలో కర్నూలు, అనంతపురం, శ్రీసత్యసాయి, చిత్తూరు, నెల్లూరు, ప్రకాశం, అన్నమయ్య మరియు వైఎస్సార్ జిల్లాల్లో ఈ ప్రభావం ఎక్కువగా ఉంటుందని పేర్కొన్నారు.

ఈ సమయంలో ఉరుములు, మెరుపులతో కూడిన భారీ వర్షాలు కురిసే అవకాశం ఉందని, ప్రజలు తగిన జాగ్రత్తలు తీసుకోవాలని సూచించారు.