ఏపీలో గణేష్ మండపాలకు శుభవార్త.. ఉచిత విద్యుత్ సరఫరాకు ప్రభుత్వ మార్గదర్శకాలు జారీ!
ఆంధ్రప్రదేశ్ రాష్ట్రంలో వినాయక చవితి వేడుకలను అత్యంత వైభవంగా, ఎలాంటి అంతరాయాలు లేకుండా నిర్వహించేందుకు రాష్ట్ర ప్రభుత్వం ఒక అద్భుతమైన నిర్ణయం తీసుకుంది.
రాష్ట్రవ్యాప్తంగా ఏర్పాటు చేసే గణేష్ మండపాలకు ఉచితంగా విద్యుత్ సరఫరా చేయనున్నట్లు ప్రభుత్వం అధికారికంగా ప్రకటించింది.
ఈ నిర్ణయంతో నిర్వాహకులకు ఆర్థిక భారం తప్పుతుంది.దీనికి సంబంధించి అధికారులు కొన్ని నిబంధనలు మరియు విధివిధానాలను కూడా జారీ చేశారు.
సెప్టెంబర్ 14 నుండి సెప్టెంబర్ 22 వరకు ఈ ఉచిత విద్యుత్ సౌకర్యం అందుబాటులో ఉంటుంది.
గ్రామాల్లో ఏర్పాటు చేసే మండపాలకు 3 కిలోవాట్ల వరకు, అలాగే పట్టణ ప్రాంతాల్లో ఏర్పాటు చేసే మండపాలకు 5 కిలోవాట్ల వరకు ఎలాంటి రుసుము లేకుండా ఫ్రీ ఎలక్ట్రిసిటీని సరఫరా చేయనున్నట్లు స్పష్టం చేశారు.
అయితే, నిర్దేశించిన పరిమితి కంటే ఎక్కువ లోడ్ అవసరమైతే మాత్రం, నిబంధనల ప్రకారం టెంపరరీ కనెక్షన్ కోసం దరఖాస్తు చేసుకోవాలని అధికారులు సూచించారు.
