ట్రైనీ ఐపీఎస్ కేసులో విచార‌ణ 27కు వాయిదా

హైదరాబాద్, జూలై22(క్విక్ టుడే న్యూస్‌):

ట్రైనీ ఐపీఎస్ ఉదయ్ కృష్ణారెడ్డి దాఖలు చేసిన పిటిషన్‌పై విచారణను హైకోర్టు జూలై 27కు వాయిదా వేసి, కేసు వివరాలు సమర్పించాలని పోలీసులను ఆదేశించింది. తనపై నమోదైన కేసును కొట్టివేయాలని ఆయన కోరగా, తదుపరి చర్యలు నిలిపివేయాలన్న విజ్ఞప్తిని కోర్టు అంగీకరించలేదు. తోటి మహిళా ట్రైనీ ఐపీఎస్ ఫిర్యాదు మేరకు నమోదైన ఈ కేసు దర్యాప్తును ఉమెన్ సేఫ్టీ వింగ్‌కు బదిలీ చేశారు. డీసీపీ లావణ్య సర్దార్ వల్లభ్‌భాయ్ పటేల్ నేషనల్ పోలీస్ అకాడమీలో బాధితురాలి వాంగ్మూలాన్ని నమోదు చేసి, డిజిటల్ ఆధారాలు, సంబంధిత వ్యక్తుల వాంగ్మూలాలను పరిశీలిస్తూ దర్యాప్తును వేగవంతం చేస్తున్నారు.