శ్రీలంక టెస్ట్ సిరీస్‌: భారత జట్టులోకి సర్ఫరాజ్ ఖాన్ రీఎంట్రీ!

శ్రీలంకతో జరగనున్న టెస్ట్ సిరీస్‌కు ముందు భారత క్రికెట్ జట్టులో కీలక మార్పు చోటుచేసుకుంది.

గాయంతో దూరమైన సాయి సుదర్శన్ స్థానంలో, యువ బ్యాటర్ సర్ఫరాజ్ ఖాన్ తిరిగి జట్టులోకి ఎంపికయ్యాడు.

ఈ మేరకు బీసీసీఐ (BCCI) అధికారిక ప్రకటన విడుదల చేసింది.తొలి టెస్ట్ మ్యాచ్‌ కోసం భారత జట్టు గాలెకు బయలుదేరే ముందు, సర్ఫరాజ్ కొలంబోలో జట్టుతో కలవనున్నట్లు బీసీసీఐ తెలిపింది.

28 ఏళ్ల సర్ఫరాజ్ ఖాన్ చివరగా 2024 నవంబర్‌లో న్యూజిలాండ్‌పై సెంచరీ సాధించి సత్తా చాటాడు.

ఆ తర్వాత మళ్లీ జాతీయ జట్టులో స్థానం కోసం ఎదురుచూస్తున్న అతనికి, తాజా ప్రకటనతో నిరీక్షణ ఫలించినట్లయింది.

శ్రీలంకతో తొలి టెస్ట్ ఈ నెల 15వ తేదీ నుంచి ప్రారంభం కానుంది.