కాంగ్రెస్‌పై ప్రధాని మోదీ సంచలన విమర్శలు: 'పదేళ్లలో 50 వేల టాయిలెట్లు కూడా కట్టలేదు!'

గుజరాత్‌లో అభివృద్ధి పనుల ప్రారంభోత్సవ కార్యక్రమంలో పాల్గొన్న ప్రధాని నరేంద్ర మోదీ కాంగ్రెస్ పార్టీపై తీవ్ర స్థాయిలో విమర్శలు గుప్పించారు.

గత పదేళ్ల కాలంలో భారత్ రైలు కోచ్‌ల తయారీలో గ్లోబల్ హబ్‌గా మారిందని, 2014 నుంచి ఇప్పటివరకు దేశంలో 50 వేలకు పైగా ఆధునిక కోచ్‌లను తయారు చేశామని వెల్లడించారు.అయితే గత కాంగ్రెస్ ప్రభుత్వం తన పదేళ్ల పాలనలో కనీసం 50 వేల టాయిలెట్లను కూడా నిర్మించలేకపోయిందని ఎద్దేవా చేశారు.

కాంగ్రెస్ నేతలు అబద్ధాలతో ప్రజలను తప్పుదోవ పట్టించాలని చూస్తున్నారని, అయితే ఏది నిజమో ఈనాటి 'యంగ్ ఇండియా'కు బాగా తెలుసని ప్రధాని పేర్కొన్నారు.