AI రంగంలో భారత్ ముందంజ.. ఐటీ బలాన్ని చాటుతున్నాం: అశ్విని వైష్ణవ్

ఆర్టిఫిషియల్ ఇంటెలిజెన్స్ (AI) అభివృద్ధిలో భారతదేశం వెనుకబడి లేదని కేంద్రమంత్రి అశ్విని వైష్ణవ్ స్పష్టం చేశారు.

ఒక సమావేశంలో ఆయన మాట్లాడుతూ, ఎంటర్‌ప్రైజ్ ఆపరేటింగ్ సిస్టమ్‌లో ఎలాంటి సమస్యకైనా పరిష్కారం చూపగలగడమే భారత ఐటీ రంగానికి ఉన్న అతిపెద్ద బలం అని ఆయన ఉద్ఘాటించారు.

దేశంలో కొత్తగా ప్రారంభమవుతున్న స్టార్టప్‌లలో 80 శాతం వరకు AI ఆధారిత పరిష్కారాలనే అందిస్తున్నాయని ఆయన పేర్కొన్నారు.

అంతేకాకుండా, డేటా సెంటర్లు, సెమీకండక్టర్ల తయారీపై ప్రభుత్వం ప్రత్యేక దృష్టి సారించిందని, గ్లోబల్ చిప్ డిజైన్ వర్క్‌ఫోర్స్‌లో మన వాటా 20 శాతం వరకు ఉందని మంత్రి వివరించారు.