1000 రోజుల ప్రజాపాలన.. విమర్శకులపై సీఎం రేవంత్ ఫైర్!

తెలంగాణలో ప్రజా ప్రభుత్వం ఏర్పడి 1000 రోజులు పూర్తయిన సందర్భంగా సీఎం రేవంత్ రెడ్డి విమర్శకులపై మండిపడ్డారు.

తమ ప్రభుత్వం విఫలమైందన్న ఆరోపణలను ఆయన తీవ్రంగా తిప్పికొట్టారు.

గడిచిన రెండేళ్లలో 72 వేల ప్రభుత్వ ఉద్యోగాలు ఇచ్చామని, రైతుల సంక్షేమం కోసం ఏకంగా రూ.1.70 లక్షల కోట్లు ఖర్చు చేశామని తెలిపారు.3 కోట్ల మందికి సన్నబియ్యం అందిస్తున్నామని, రేషన్ కార్డులు, పెన్షన్లతో పాటు పేదలకు ఇళ్ల నిర్మాణాలు చేపడుతున్నామని వివరించారు.

నిజమైన ప్రజాపాలన అంటే ఇదేనని స్పష్టం చేసిన సీఎం..

ప్రభుత్వం చిత్తశుద్ధితో అమలు చేస్తున్న ఈ పథకాల గురించి ప్రజలే ఆలోచించాలని సూచించారు.