వరంగల్ ఎయిర్‌పోర్ట్ అభివృద్ధిపై రేవంత్ రెడ్డి కీలక ప్రకటన - పేరు సూచించాలని ప్రజలకు పిలుపు!

తెలంగాణ ముఖ్యమంత్రి రేవంత్ రెడ్డి వరంగల్ ఎయిర్‌పోర్ట్ ఏర్పాటుపై కీలక ప్రకటన చేశారు.

గత పదేళ్ల పాటు బీఆర్ఎస్ ప్రభుత్వం ఈ ప్రాజెక్ట్‌ను పట్టించుకోలేదని, కానీ తమ ప్రభుత్వం ప్రజల చిరకాల కలలను నిజం చేస్తోందని ఆయన స్పష్టం చేశారు.

భూసేకరణ కోసం రూ.295 కోట్లు చెల్లించి, అవసరమైన భూమిని ఎయిర్‌పోర్ట్స్ అథారిటీ ఆఫ్ ఇండియా (AAI) కి అప్పగించినట్లు వెల్లడించారు.

ఈ విమానాశ్రయం వరంగల్ ప్రాంతంలో పరిశ్రమలు, పర్యాటకం, విద్య, ఉపాధి మరియు పెట్టుబడులకు ప్రధాన గేట్‌వేగా మారుతుందని ఆశాభావం వ్యక్తం చేశారు.

ఎయిర్‌పోర్ట్‌కు తగిన పేరును సూచించాలని ఆయన ప్రజలను సోషల్ మీడియా వేదికగా కోరారు.