పార్టీ ఫిరాయింపుల అంశంపై రేవంత్ రెడ్డి ప్రభుత్వంపై కేటీఆర్ ఫైర్

తెలంగాణలో పార్టీ ఫిరాయింపుల అంశం రాజకీయంగా తీవ్ర దుమారం రేపుతోంది.

ఈ నేపథ్యంలో బీఆర్ఎస్ వర్కింగ్ ప్రెసిడెంట్ కేటీఆర్ రాష్ట్ర ప్రభుత్వం మరియు ముఖ్యమంత్రి రేవంత్ రెడ్డిపై ఘాటు విమర్శలు గుప్పించారు.

పార్టీ ఫిరాయింపులపై నిన్న హైకోర్టు ఇచ్చిన తీర్పు రేవంత్ రెడ్డి ప్రభుత్వానికి చెంపపెట్టు లాంటిదని ఆయన అభివర్ణించారు.నిన్న ఒక వికెట్ పడిందని, త్వరలోనే మిగతా తొమ్మిది వికెట్లు కూడా పడతాయని కేటీఆర్ జోస్యం చెప్పారు.

గతంలో ఫిరాయింపులపై పోరాడడం కాంగ్రెస్‌కు చేతకాలేదని, కానీ తాము మాత్రం రాజ్యాంగబద్ధంగా, చట్టపరంగా పోరాటం చేసి అనర్హత వేటు వేయించామని స్పష్టం చేశారు.

ఈ పరిణామాలు రాష్ట్ర రాజకీయాల్లో కలకలం రేపుతున్నాయి.