తెలంగాణ పోలీస్ ఉద్యోగాలకు భారీ స్పందన: ఒక్కో పోస్టుకు 58 మంది పోటీ

తెలంగాణ రాష్ట్రంలో 7,437 పోలీసు ఉద్యోగాలకు నిరుద్యోగుల నుంచి భారీ సంఖ్యలో దరఖాస్తులు వెల్లువెత్తాయి.

మొత్తం 4.29 లక్షల మంది అభ్యర్థుల నుంచి ఏకంగా 5.77 లక్షల అప్లికేషన్లు వచ్చాయి.

ఈ లెక్కన ఒక్కో పోస్టుకు సగటున 58 మంది అభ్యర్థులు తీవ్రంగా పోటీ పడుతున్నారు.వచ్చిన దరఖాస్తుల్లో పురుషులు 4,30,844 కాగా, మహిళలు 1,46,220 మంది ఉన్నారు.

సామాజిక వర్గాల వారీగా పరిశీలిస్తే బీసీ అభ్యర్థులు 49.19 శాతం, ఎస్సీ మరియు ఎస్టీ అభ్యర్థులు 43.60 శాతం ఉన్నారు.

ఇక పరీక్ష రాసే మాధ్యమం విషయానికి వస్తే, అత్యధికంగా 56.84 శాతం మంది తెలుగు మీడియంను ఎంచుకోగా, 43.02 శాతం మంది ఇంగ్లీష్, కేవలం 0.12 శాతం మంది ఉర్దూలో పరీక్ష రాసేందుకు మొగ్గుచూపారు.