హైదరాబాద్‌ను ముంచెత్తిన కుండపోత వర్షం: పలు ప్రాంతాల్లో భారీ వర్షపాతం నమోదు!

హైదరాబాద్ నగరవ్యాప్తంగా పలు ప్రాంతాల్లో ఒక్కసారిగా భారీ కుండపోత వర్షం ముంచెత్తింది. సికింద్రాబాద్, అల్వాల్, బాలానగర్, కూకట్‌పల్లి, గచ్చిబౌలి, మాదాపూర్, మణికొండ, అమీర్‌పేట్, ఖైరతాబాద్, జూబ్లీహిల్స్, బేగంపేట్ తదితర ప్రధాన ప్రాంతాల్లో ఎడతెరిపి లేకుండా వర్షం కురుస్తోంది.

ముఖ్యంగా సెంట్రల్ మరియు నార్త్ హైదరాబాద్‌లోని కొన్ని ప్రాంతాల్లో వర్షపాతం 60 నుండి 70 మిల్లీమీటర్ల వరకు దాటే అవకాశం ఉందని తెలంగాణ వెదర్ మ్యాన్ వెల్లడించారు. ఈ నేపథ్యంలో ప్రయాణికులు, వాహనదారులు రహదారులపై అప్రమత్తంగా ఉండాలని, తగిన ముందస్తు జాగ్రత్తలు తీసుకోవాలని అధికారులు ప్రజలకు సూచించారు.