రూ.10,000 కోట్ల ఆస్తితో భారత్‌లోనే నంబర్ 1 రిచెస్ట్ యాక్టర్‌గా షారూఖ్ ఖాన్!

సంపద తగ్గినా బాలీవుడ్ ‘కింగ్’ షారూఖ్ ఖాన్ రేంజ్ మాత్రం మారలేదు.

2026 హురున్ ఇండియా రిచ్ లిస్ట్‌లో ₹10,000 కోట్ల అంచనా సంపదతో ఆయన భారతదేశంలోనే అత్యంత సంపన్న నటుడిగా అగ్రస్థానంలో నిలిచారు.

గతేడాది ₹12,490 కోట్లుగా ఉన్న ఆయన ఆస్తి విలువ ఈసారి ₹2,490 కోట్లు తగ్గడం గమనార్హం.

షారూఖ్‌కు సినిమాలతో పాటు వివిధ వ్యాపారాలు ప్రధాన ఆదాయ వనరులుగా ఉన్నాయి.

కాగా, ఈ సంపన్నుల జాబితాలో అమితాబ్ బచ్చన్ (₹4,000 కోట్లు), సల్మాన్ ఖాన్ (₹3,000 కోట్లు), హృతిక్ రోషన్ (₹2,500 కోట్లు) తర్వాతి స్థానాల్లో నిలిచారు.