బిగ్‌బాస్ సీజన్-10: కఠినమైన టాస్క్‌లు, కంటెస్టెంట్లకు నాగార్జున వార్నింగ్!

బుల్లితెర ప్రేక్షకులను అలరించే బిగ్‌బాస్ సీజన్-10 త్వరలో ప్రారంభం కానుంది.

ఈ సీజన్ గురించి హోస్ట్ నాగార్జున ఆసక్తికరమైన విషయాలు వెల్లడించారు.

ఇప్పటికే తాజా సీజన్ ప్రోమో షూటింగ్ పూర్తయిందని, గతం కంటే ఈసారి షో మరింత ఆసక్తికరంగా ఉంటుందని ఆయన పేర్కొన్నారు.ఈ సీజన్‌లో టాస్క్‌లు మరింత కఠినంగా ఉండబోతున్నాయని నాగార్జున స్పష్టం చేశారు.

షోలో కంటెస్టెంట్లు హద్దులు దాటి ప్రవర్తిస్తే తాను ఏమాత్రం సహించనని తేల్చి చెప్పారు.

ఇతరుల ప్రవర్తనను నిర్ణయించడం లేదా వారికి సూచనలు చేయడం తనకు ఇష్టం ఉండదని, అందుకే తొలి రెండు సీజన్లలో కొంత ఇబ్బంది పడినట్లు ఆయన గుర్తు చేసుకున్నారు.