బిగ్‌బాస్ సీజన్ 10: తొలి వారం ఎలిమినేషన్ పూర్తి.. హౌస్ నుంచి కృష్ణుడు ఔట్

తెలుగు బిగ్‌బాస్ సీజన్-10లో తొలి ఎలిమినేషన్ ప్రక్రియ ముగిసింది.

ప్రేక్షకుల ఓటింగ్ ఫలితాల ఆధారంగా ప్రముఖ నటుడు కృష్ణుడు హౌస్ నుంచి ఎలిమినేట్ అయినట్లు వీకెండ్ ఎపిసోడ్‌లో హోస్ట్ నాగార్జున అధికారికంగా ప్రకటించారు.

కృష్ణుడు మొదటి నుంచి ఆటపై పెద్దగా ఆసక్తి చూపించకపోవడం, అలాగే హౌస్‌లో జరిగిన టాస్కుల్లో చురుకుగా పాల్గొనకపోవడం వంటి కారణాల వల్లే ఎలిమినేట్ అయినట్లు స్పష్టమవుతోంది.

ఆయన ఆటతీరుపై నిన్నటి ఎపిసోడ్‌లో హోస్ట్ నాగార్జున సైతం అసంతృప్తి వ్యక్తం చేశారు.

కాగా, ఈ వీకెండ్ ఎలిమినేషన్ కంటే ముందుగానే, మిడ్ వీక్‌లో హౌస్‌మేట్స్ వేసిన ఓట్ల ఆధారంగా కంటెస్టెంట్ చైత్ర రాయ్ బిగ్‌బాస్ హౌస్ నుంచి బయటకు వచ్చిన విషయం తెలిసిందే.