హెల్త్ అసిస్టెంట్ పోస్టులకు 16 నుంచి సర్టిఫికెట్ వెరిఫికేషన్
హైదరాబాద్, సెప్టెంబర్1(క్విక్ టుడే న్యూస్):
తెలంగాణ ఆరోగ్యశాఖలో 1,931 మల్టీ పర్పస్ హెల్త్ అసిస్టెంట్ పోస్టుల నియామక ప్రక్రియ తుది దశకు చేరుకుంది. అధికారులు ప్రొవిజనల్ మెరిట్ లిస్ట్ను విడుదల చేసి, అభ్యర్థులను 1:1.25 నిష్పత్తిలో సర్టిఫికెట్ వెరిఫికేషన్కు షార్ట్లిస్ట్ చేశారు. సెప్టెంబర్ 16 నుంచి 26 వరకు హైదరాబాద్ వెంగల్రావునగర్లో ధ్రువపత్రాల పరిశీలన నిర్వహించనున్నారు. నిర్ణీత తేదీల్లో హాజరు కాలేని అభ్యర్థులకు సెప్టెంబర్ 28న మరో అవకాశం కల్పించారు. వెరిఫికేషన్కు హాజరయ్యే అభ్యర్థులు ఒరిజినల్ సర్టిఫికెట్లతో పాటు రెండు సెట్ల జిరాక్స్ ప్రతులు తీసుకురావాలి. విద్యార్హతలు, ఇతర అవసరమైన ధ్రువపత్రాలను అధికారులు పరిశీలించనున్నారు. ప్రక్రియ పూర్తైన తర్వాత ఫైనల్ మెరిట్, సెలక్షన్ లిస్ట్లను విడుదల చేయనున్నారు. గత రెండున్నరేళ్లలో ఆరోగ్యశాఖలో 15 వేలకు పైగా పోస్టులను భర్తీ చేసినట్లు అధికారులు తెలిపారు.
