షాకింగ్ వార్త: ఐఫోన్ 18 ఎంట్రీతో పాత మోడల్స్ ధరలకు భారీ రెక్కలు – రూ. 30 వేల వరకు పెరిగిన రేట్లు!

ఐఫోన్ 18 విడుదల నేపథ్యంలో యాపిల్ కంపెనీ ఇండియాలో పాత ఐఫోన్ మోడల్స్ ధరలను అకస్మాత్తుగా భారీగా పెంచేసింది. దీంతో వివిధ మోడళ్లపై రూ.10 వేల నుంచి రూ.30 వేల వరకు ధరలు ఒక్కసారిగా ఎగిశాయి. ముఖ్యంగా ఐఫోన్ 17ఈ బేస్ వేరియంట్ ధర రూ.64,900 నుంచి రూ.79,900కి చేరింది. అలాగే ఐఫోన్ 16 రేటు రూ.79,900 నుంచి రూ.89,900కి పెరగగా, ఐఫోన్ 17 ధర రూ.82,900 నుంచి రూ.99,900కి ఎగిసింది. మరోవైపు 'ఎయిర్' మోడల్ ధర రూ.1,19,900 నుంచి ఏకంగా రూ.1,49,900కు పెరిగినట్లు స్పష్టమైంది. ఈ ధరల పెరుగుదల యాపిల్ ప్రియులకు పెద్ద షాక్ అనే చెప్పవచ్చు.