సైమ్ అయూబ్‌పై ట్రోలింగ్: 'డకౌట్ కోసమే 7 వేల కి.మీ ప్రయాణించావా!'

ఇంగ్లాండ్‌తో జరుగుతున్న మూడో టెస్టులో పాకిస్థాన్ ఓపెనర్ సైమ్ అయూబ్ రెండు ఇన్నింగ్స్‌ల్లోనూ డకౌట్ అయ్యాడు.

దీంతో సోషల్ మీడియాలో అతడిపై తీవ్ర స్థాయిలో ట్రోలింగ్ జరుగుతోంది.

వాస్తవానికి కరీబియన్ ప్రీమియర్ లీగ్ ఆడుతున్న అతడిని ప్రత్యేకంగా ఈ టెస్ట్ మ్యాచ్ కోసమే రప్పించారు.దాదాపు 7 వేల కిలోమీటర్ల దూరం ప్రయాణించి వచ్చిన అయూబ్, కనీసం ఒక్క పరుగు కూడా చేయకుండా పెవిలియన్ చేరడంతో అభిమానులు మండిపడుతున్నారు.

"కేవలం డకౌట్ అవ్వడానికే అంత దూరం నుంచి వచ్చావా?" అంటూ నెటిజన్లు ఓ రేంజ్‌లో సెటైర్లు వేస్తూ ఏకిపారేస్తున్నారు.