హుండీ నగదు అపహరణ ఘటనపై గురు పీఠం ట్రస్ట్ ఆవేదన

మెదక్ జిల్లా శివ్వంపేట: గురు పీఠంలో హుండీలలో భక్తులు సమర్పించిన నగదు అపహరణ ఘటనపై ట్రస్ట్ సభ్యులు, దేవాలయ వ్యవస్థాపక చైర్మన్ ఆవేదన వ్యక్తం చేశారు.

ఈ ఘటనతో శ్రీ దత్తాత్రేయ మహాస్వామి, శ్రీ షిరిడి సాయిబాబా భక్తులు ఫోన్ ద్వారా తమ బాధను తెలియజేస్తున్నట్లు పేర్కొన్నారు.

ఆలయం ప్రారంభమైన నాటి నుంచి హుండీలపై ఎలాంటి వ్యక్తిగత దృష్టి పెట్టలేదని తెలిపారు.

తమ వల్ల తెలిసీ తెలియక ఏదైనా తప్పు జరిగి ఉంటే స్వామివారిని, భక్తులను క్షమించాలని ప్రార్థించారు.

పోలీసులు నిందితుడిని త్వరలోనే పట్టుకుని అపహరించిన నగదును స్వాధీనం చేసుకుంటారనే విశ్వాసం వ్యక్తం చేశారు.

ఆలయంలో నిత్య పూజలు, ఆధ్యాత్మిక కార్యక్రమాలు యథావిధిగా కొనసాగుతున్నాయని, భక్తులు ఎలాంటి అపోహలకు గురికావద్దని ట్రస్ట్ సభ్యులు కోరారు.