ఇయర్ బడ్స్ వాడకం: వినికిడి శక్తిని కాపాడుకోవడానికి పాటించాల్సిన జాగ్రత్తలు

ప్రస్తుతం మన దేశంలో ఇయర్ బడ్స్ వాడకం భారీగా పెరిగింది. మిలియన్ల కొద్దీ అమ్ముడవుతున్న ఈ పరికరాలు యువతలో వినికిడి శక్తిపై తీవ్ర ప్రభావం చూపుతున్నాయని వైద్య నిపుణులు హెచ్చరిస్తున్నారు.

ముఖ్యంగా 85 డెసిబెల్స్ (85 dB) కంటే ఎక్కువ సౌండ్‌తో ఎక్కువ సమయం పాటు పాటలు వింటే శాశ్వత వినికిడి లోపం ఏర్పడటమే కాకుండా, చెవి ఇన్ఫెక్షన్లు వచ్చే ప్రమాదం ఉందని వారు స్పష్టం చేస్తున్నారు.ఈ సమస్యల బారిన పడకుండా ఉండేందుకు "60-60 నియమాన్ని" పాటించాలని సూచిస్తున్నారు. అంటే 60 శాతానికి (60%) మించని వాల్యూమ్‌తో రోజుకు గరిష్టంగా 60 నిమిషాలు మాత్రమే ఇయర్ బడ్స్ ఉపయోగించడం సురక్షితం.