వేడినీళ్ల స్నానంతో జాగ్రత్త: 'రిఫ్లెక్స్ ఎపిలేప్సీ' పై వైద్యుల హెచ్చరిక!

క్విక్ టుడే న్యూస్,ఆగష్టు 3 :- వేడినీళ్ల స్నానం, ఫ్లాషింగ్ లైట్లు, అలాగే బిగ్గరగా వినపడే మ్యూజిక్ వల్ల కొందరిలో మూర్ఛ (ఫిట్స్) వచ్చే ప్రమాదం ఉందని వైద్య నిపుణులు హెచ్చరిస్తున్నారు. ఈ విధమైన పరిస్థితిని వైద్య పరిభాషలో 'రిఫ్లెక్స్ ఎపిలేప్సీ' (Reflex Epilepsy) అని పిలుస్తారు.

చుట్టూ పరిసరాలలో చోటుచేసుకునే హఠాత్తు మార్పుల వల్ల మెదడులో అసాధారణ నాడీ సంకేతాలు ఉత్పన్నమై ఈ సమస్యకు దారితీస్తాయని డాక్టర్లు వివరిస్తున్నారు. ముఖ్యంగా ఇప్పటికే తరచూ మూర్ఛ సమస్యతో బాధపడేవారిలో ఇటువంటి ప్రచోదనాల (Triggers) వల్ల ఫిట్స్ త్వరితగతిన వచ్చే అవకాశం ఉంటుంది. అయితే దీనికి సంబంధించి సరైన వైద్య సలహాలు పాటిస్తూ, తగిన జీవనశైలి మార్పులు చేసుకోవడం ద్వారా ఈ సమస్యను సమర్థవంతంగా అరికట్టవచ్చని నిపుణులు సూచిస్తున్నారు.