బోల్డ్ సీన్స్‌పై విమర్శలొస్తే నాదే బాధ్యత: వైష్ణవికి డైరెక్టర్ ఆదిత్య హాసన్ భరోసా!

'EPIC' సినిమాలో బోల్డ్ సీన్స్‌లో నటించేందుకు హీరోయిన్ వైష్ణవి నర్వస్‌గా ఫీలయ్యారని దర్శకుడు ఆదిత్య హాసన్ తెలిపారు. ఇటీవల జరిగిన సినిమా ప్రీ రిలీజ్ ఈవెంట్‌లో ఆయన మాట్లాడుతూ.. ఈ సినిమాలో వైష్ణవి చేసిన క్యారెక్టర్‌పై ఎలాంటి నెగెటివిటీ లేదా విమర్శలు వచ్చినా తాను సపోర్ట్‌గా నిలిచి పూర్తి బాధ్యత తీసుకుంటానని స్పష్టం చేశారు.

గతంలో 'బేబీ' మూవీలోని పాత్ర కారణంగా వైష్ణవి విమర్శలు ఎదుర్కొన్న సంగతి తెలిసిందే. ఈ క్రమంలో బోల్డ్ సీన్స్‌పై ట్రోలింగ్ పెరుగుతున్న నేపథ్యంలో, హీరోయిన్‌కి ధైర్యం చెప్తూ డైరెక్టర్ ఆదిత్య ఇచ్చిన భరోసా సోషల్ మీడియాలో వైరల్‌గా మారింది.