'సంకల్ప సాధకుడు పవన్': తమ్ముడికి మెగాస్టార్ చిరంజీవి భావోద్వేగ జన్మదిన శుభాకాంక్షలు

ఆంధ్రప్రదేశ్ ఉప ముఖ్యమంత్రి పవన్ కళ్యాణ్ పుట్టినరోజు సందర్భంగా ఆయన సోదరుడు, మెగాస్టార్ చిరంజీవి సోషల్ మీడియా వేదికగా ప్రత్యేక శుభాకాంక్షలు తెలిపారు.

పవన్‌ను ‘సంకల్ప సాధకుడు’ అని కొనియాడిన చిరంజీవి, చిన్నతనం నుంచే ప్రజలకు సేవ చేయాలనే తపన అతనిలో స్పష్టంగా కనిపించేదని గుర్తుచేసుకున్నారు.ప్రస్తుతం డిప్యూటీ సీఎంగా గ్రామస్థాయి అభివృద్ధి నుంచి గిరిజన ప్రాంతాల సంక్షేమం వరకు పవన్ కళ్యాణ్ అందిస్తున్న సేవలు ఎంతో గర్వకారణమని పేర్కొన్నారు.

పవన్ నిండు నూరేళ్ల పాటు ఆయురారోగ్యాలతో వర్ధిల్లాలని ఆంజనేయస్వామిని ప్రార్థిస్తున్నట్లు చిరంజీవి భావోద్వేగంగా ట్వీట్ చేశారు.