టెస్ట్ క్రికెట్టే నా అసలైన ఇష్టం: అద్భుత ఇన్నింగ్స్‌తో మెరిసిన తిలక్ వర్మ!

తెలుగు తేజం, యువ బ్యాటర్ తిలక్ వర్మ తనకు రెడ్ బాల్ క్రికెట్ (టెస్టులు) అంటే ప్రాణమని వెల్లడించారు.

తాను అసలు భారత్ తరఫున వైట్ బాల్ క్రికెట్ ఆడుతానని కలలో కూడా ఊహించలేదని, కేవలం ఐపీఎల్ వల్లే వన్డేలు, టీ20లు ఆడే అవకాశం వచ్చిందని స్పష్టం చేశారు.

అయితే, తన రక్తంలో మాత్రం కేవలం టెస్ట్ క్రికెట్టే ఉందని ఆయన గట్టిగా చెప్పారు.రెడ్ బాల్ క్రికెట్ ఆడిన అనుభవం ఉంటే వైట్ బాల్ ఫార్మాట్‌లో ఆడటం మరింత సులభమవుతుందని తిలక్ అభిప్రాయపడ్డారు.

ఇటీవల జరిగిన దులీప్ ట్రోఫీ సెమీఫైనల్‌లో అద్భుతమైన ప్రదర్శన కనబరిచిన ఆయన, రెండు ఇన్నింగ్స్‌లలోనూ వరుసగా 116 మరియు 51పరుగులు చేసి తన సత్తా చాటుకున్నారు.