సొంత అక్క, తమ్ముడిపై సీపీకి నటి రాధ సంచలన ఫిర్యాదు

ప్రముఖ సీనియర్ నటి రాధ తన సొంత కుటుంబ సభ్యులపైనే పోలీసులకు ఫిర్యాదు చేయడం సంచలనంగా మారింది.

తన సోదరి అంబిక, సోదరుడు అర్జున్‌పై ఆమె చెన్నై పోలీస్ కమిషనర్ (సీపీ)కి ఆశ్రయించారు.

తన సంతకం ఉన్న ఖాళీ చెక్కులను దొంగిలించి, వాటి ద్వారా ఏకంగా రూ.

50 కోట్లు కాజేసేందుకు వారు ప్రయత్నించారని రాధ తన ఫిర్యాదులో తీవ్ర ఆరోపణలు చేశారు.ఫెమా (FEMA) నిబంధనల ఉల్లంఘన కేసులో అర్జున్ భారీ మొత్తంలో జరిమానా చెల్లించాల్సి ఉందని, అందుకోసమే ఈ మోసానికి పాల్పడ్డారని ఆమె ఆరోపించారు.

వారిపై కఠినమైన క్రిమినల్ చర్యలు తీసుకోవాలని రాధ పోలీసులను కోరారు.

ఆసక్తికరమైన విషయం ఏమిటంటే, ప్రస్తుతం అంబిక చెన్నైలోని రాధ ఇంట్లోనే నివాసం ఉంటుండటం గమనార్హం.