ఫేక్ కస్టమర్ కేర్ నంబర్లతో జాగ్రత్త: సైబర్ నిపుణుల హెచ్చరిక!

ఆన్‌లైన్‌లో కస్టమర్ కేర్ నెంబర్ల కోసం వెతికేటప్పుడు అత్యంత అప్రమత్తంగా ఉండాలని సైబర్ క్రైమ్ పోలీసులు హెచ్చరిస్తున్నారు.

ఇంటర్నెట్‌లో దొరికే నకిలీ నెంబర్లకు కాల్ చేస్తే, సైబర్ మోసగాళ్లు మీ బ్యాంకు ఖాతాల నుంచి సులభంగా డబ్బులు కాజేసే ప్రమాదం ఉంది.బ్యాంకు లావాదేవీలకైనా, ఓటీటీ సేవలకు సంబంధించిన సమస్యలకైనా ఎల్లప్పుడూ ఆయా సంస్థల అధికారిక యాప్‌లు లేదా వెబ్‌సైట్లను మాత్రమే వినియోగించడం సురక్షితం.

ఒకవేళ మీరు ఏదైనా సైబర్ మోసానికి గురైతే ఏమాత్రం ఆలస్యం చేయకుండా వెంటనే 1930 టోల్ ఫ్రీ నెంబర్‌కు కాల్ చేయాలని లేదా సైబర్ క్రైమ్ పోర్టల్‌లో ఫిర్యాదు చేయాలని అధికారులు సూచిస్తున్నారు.